5.8.10

Ապե, նատուռալ ըլնեմ

Վերջերս անընդհատ նոր արտահայտություններ եմ լսում, նոր տերմիններ, որոնք ուղեղիս չեն հասնում: Ունեմ մի քանի տարբերակ, սրանցից մեկը հաստատ ճիշտ կլինի.
ա) բթացել եմ,
բ) քյառթու կայֆերից հեռու եմ,
գ) էլի ինձ դոդի բախչեքն եմ գցել:

Ոչ մեկիս համար նորություն չի, որ բազում կարծրատիպեր ունեցող ազգ ենք` ավանդույթ ու սովորույթ իրար խառնած և ազգային արժեք դարձրած, կարծիքները փաստի վերածած ու ենթադրությունների վրա հիմնված:

Դե գիտեք, գործի բերումով ու անձնական հետաքրքրությունից դրդված աշխատում եմ ԼԳԲՏ (լեսբուհի, գեյ, բիսեսուալ, տրանսգենդեր) անձանց հետ, միշտ լսում եմ թեժ նորություններ հայկական իրականությունից ու հոմո-հետերո-ֆոբիախառն բախումներից: Սակայն քիչ չեն նաև զվարճալի դեպքերը, որոնք բխում են մարդկանց «միամտությունից»:

Շատ չխորանամ սոցիալ-փիլիսոփայական նախադասություններիս մեջ: Խոսքս այն հայ տղաների մասին է, ովքեր նախըտրում են տղաների հետ սեռական կապեր ունենալ, բայց խուսափում են նույնասեռական (գեյ, հոմոսեքսուալ) համարվելուց ու տարբեր տերմիններ են օգտագործում իրենց սեռական զուգընկեր որսալու նպատակով:

Հայ տղաների, հատկապես «քյառթու» տեսակի մեջ, ովքեր ունենում են նույնասեռ հարաբերություններ, ամենատարածված արտահայտություններ են.
  • Ապե ես գեյ չեմ, ես ակտիվ եմ
  • Ապե ես նատուռալ եմ, աղջիկների հետ էլ եմ լինում
  • Ես հայերի հետ չեմ զասվում ու պասիվ չեմ լինում, մենակ արտասահմանցիների հետ
  • Ապե նայի հա, մեկն իմացավ էս մասին, վիզդ կթռցնեմ
  • Կարող ա կամերա-մամերա էս դրել, հետո պալիտ անես
  • Ես ակտիվ եմ, բան չեմ անում, պռոստը պառկում եմ
Երևի նրանք շարժվում են քյառթու օրենքներով և ազգայնամոլական «գրագետ» տերմիններով (փակագծերում` սեփական զարմանքս).
  • Հայ տղեն գեյ չի կարա լինում (հետ նայե՞նք պատմությանը)
  • Հայ քրիստոնյան գեյ չի լինում (կրոնը ձեռքբերովի է, սեռական կողմնորոշումը` ո'չ)
  • Արա էլ ինչ տղա, որ տղու տակ ա պառկում (իսկ ի՞նչ, եթե տղու վրա է պառկում)
  • Արա, դու հո գոմիկ չես Չուպա-չուպս են ուտում (էդ փոքր ժամանակ ինչիկ էիր, որ շաքար-աքլոր էիր ...ում)
  • Վայ մորս արև, տեսա՞ր արա, 2 տղա իրար ձեռք էին բռնել (է հա, դուք էլ փողոցում իրար մռութ եք լպստում, հետո էլ քրտնած թևերի տակ եք իրար սեղմում ու ֆռֆում: Մնում ա ասեք. «Վախ ազիզ, էս իչ լավն ես էսօր», թե՞ ասում եք, ես խաբար չեմ)
Նաև այն կարծիքի են, որ տղայի հետ կենակցելուց, եթե պատահական ձեռքով կպնեն զուգընկերոջ մարմնի ցանկացած հատվածին, ուրեմն նույնասեռական կհամարվեն, եթե չկպնեն, ուրեն տարասեռական (հետերոսեքսուալ) կմնան:

Մի տղայի հարցնում են. «Դու գե՞յ ես»: Նա վրդովված պատասխանում է. «Չէ, ես տղեքի հետ զասվող նատուռալ եմ»:

Մեկ այլ դեպք, երբ 2 տղա ծանոթանում են սեռական կապեր ունենալու նպատակով և զրույցի ընթացքում մեկը մյուսնի հարցնում է.
- Ի՞նչ տիպի սեքս ես նախընտրում:
- Լյուբիծելսկի:
- Էդ ո՞րն ա:
- Էն, որ ձեռքով են բավարարվում:

Դեռ շատ նոր բաներ կսովորենք ու կլսենք: Քանի կան մեր քյառթ ախպերները, հայոց լեզուն էլ կկատարելագործվի, վեհ գաղափարներն էլ կզարգանան:

Ու վափշե, լավ տղեն երբեք պալիտ չի ըլնում:

6 comments:

MMK said...

ընկերներից մեկի կողմից ավելացում.

- Я видел, как ты вчера из гей-клуба выходил...
- Я-то выходил, а ты чего остался?

Sara said...

:)

Anonymous said...

lol lavner Mamikon :D durs ekav hodvats@

Mika said...

loool...lavn er Mamikon jan :) ahagin xndaci... heto nkatel em vor Yerevanum shat en en tesaki mardik ovqer mtom uxxaki GEYeri vra kayfavat lnelu kam xjjalu hamar gnum en Aygi kam gey klub...bayc irakanum iranq iranc en xabum iranc banutyunna kanchum!

Tat said...

lavn er!!! humory texum er u makardakov)))

Арман Н. Бегоян said...

"Մի տղայի հարցնում են. «Դու գե՞յ ես»: Նա վրդովված պատասխանում է. «Չէ, ես տղեքի հետ զասվող նատուռալ եմ»:"

Զարմանալու ոչինչ չկա: Շատ քրեակատարողական հիմնարկներում /բանտ/ "ակտիվ" լինելը "գեյ"-ություն չեն համարում ու ընդհանրապես չի ազդում իրենց "հեղինակության" վրա: Այ այսպիսի պարադոքսալ բաներ: